EQUALITY பத்திரிகை வெளியீட்டு

கொழும்பு, இலங்கை. 20 டிசம்பர் 2016

இலங்கையில் LGBTIQ பரிந்துபேசல் நிறுவனமான EQUAL GROUND ஆனது, கொழும்பில் இன்று
தமது முதலாவது LGBTIQ EQUALITY சஞ்சிகையை அறிமுகப்படுத்தியது. EQUALITY
(சமத்துவம்) என பொருத்தமாக தலைப்பிடப்பட்ட இந்த சஞ்சிகை, இலங்கையில் பல்வேறு
சஞ்சிகைகள் பிரசுரிக்கப்பட்டு வரும் நிலையில் LGBTIQ சார்ந்து பிரசுரிக்கப்படும் முதலாவது
சஞ்சிகையாகும்.

“ரெயின்போ நியுஸ்” செய்திமடல் ஊடாக LGBTIQ சமுதாயத்திற்கும், அதன் பங்காளர்களுக்கும்
EQUAL GROUND ஆனது 12 வருடங்களாக சேவையாற்றி வருகின்றது. LGBTIQ சமுதாயத்தின்
உறுப்பினர்கள் தமது கருத்துக்களை வெளிப்படுத்துவதற்கான மற்றும் இலங்கையில் உள்ள
அனைத்து வாசகர்களுக்கும் தமது திறமைகளை வெளிப்படுத்தும் தளம் ஒன்றை உருவாக்கும்
கருவியாக இந்த சஞ்சிகை அமையும்.

*“இந்த நாட்டின் LGBTIQ சமுதாயத்தினர் அனைத்து மூன்று மொழிகளிலும் பங்களிக்கக் கூடிய
தளம் ஒன்றை உருவாக்குவதே எமது நோக்கமாகும். பிரதேசம், இனம், அல்லது சமூக அந்தஸ்து
என்ற பாரபட்சமின்றி எந்தவொரு உறுப்பினரும் முன்வந்து, தமது கருத்துக்களை வெளிப்படுத்துவதற்கு
சமமான சந்தர்ப்பம் கிடைக்கும்”* என EQUAL GROUND இன் நிறைவேற்றுப்பணிப்பாளர் ரொசான
பிளேமர்-கல்தேரா தெரிவித்தார். *“தமது தொழில் அல்லது வர்த்தகத்திற்கு பிரசாரம் செய்வதற்கு இளம்
தொழில் முனைவோர், புகைப்படக் கலைஞர்கள், கலைஞர்கள், மற்றும் சமுதாயத்தைச் சேர்ந்த
ஏனையோருக்குமான தளமாகவும் அது இருக்கும்”* என அவர் மேலும் குறிப்பிட்டார்.
இலங்கையில் முதலாவது EQUALITY அறிமுகப்படுத்தப்பட்டதுடன், மேலும் ஏற்றுக்கொள்ளும்,
ஐக்கியமான, மகிழ்ச்சியான மற்றும் மனித நேய சமூகத்தினை நோக்கி EQUAL GROUND மேலும்
ஒரு படியெடுத்து வைத்துள்ளது.

நிறுவனத்தைப் பற்றி:

EQUAL GROUND என்பது இலங்கையில் பெண் சமபாலுறவினர், ஆண் சமபாலுறவினர்,
இருபாலுறவினர், திருநங்கைகள், இடைப்பாலினர் மற்றும் பால் தொடர்பில் சந்தேகம் உள்ளவர்கள்
(LGBTIQ) சமுதாயத்தின் பொருளாதார, சமூக, கலாசார, சிவில் மற்றும ; அரசியல் உரிமைகளை
நாடும் இலாபநோக்கற்ற நிறுவனமாகும். அனைத்து LGBTIQ தனிநபருக்கும் பாதுகாப்பான இடத்தை
உருவாக்குவதற்கு மற்றும் உளநலன், பொருளாதார, சமூக மற்றும் அரசியல் வலுவூட்டல்,
சுகாதாரத்திற்கான அணுகும் வசதி, கல்வி, வீடமைப்பு மற்றும் LGBTIQ இற்கான சட்ட பாதுகாப்பு
உள்ளடங்கலாக சுய உதவிக்கு சந்தர்ப்பங்களை வழங்குவதற்கு நாம் அர்ப்பணிப்புடன் உள்ளோம்.
இலங்கையில் LGBTIQ சமுதாயத்தினையும், எமது எதிர்ப்பாலுறவு சகோதரர்கள் மற்றும
நண்பர்களின் பரந்தளவு அடையாளங்களை உள்ளடக்கிய இலங்கையில் உள்ள உண்மையான
கலப்பு நிறுவனமாக EQUAL GROUND உள்ளது.

தொடர்பு விபரங்கள்:

தொலைபேசி 94-11-2806184ஃ 94-11- 5679766
தொலைநகல்: 94-11-2805704
இணையம்: http://www.equal-ground.org
Web Blog: https://equalground.wordpress.com/
Twitter: EQUALGROUND
Facebook: facebook.com/EQUALGROUND
Youtube: youtube.com/user/equalground123